суббота, 7 февраля 2015 г.

Сьӧлӧм колаын

Сьӧлӧм колаын тастӧ оз видзны.
Сыліс енэжын лэбалысь лов.
Быттьӧ саридзын гудралӧм сов –
Сэтшӧм топыда ёртъяскӧд йитчим.

Ӧткодь шылад ми кылам чӧв-лӧняс,
Ӧти кодзувлы нюжӧдам ки,
Ӧтмоз ымралӧ сёрниын би,
Ӧтног сьылӧны-зэвтчӧны сӧнъяс.

Ӧтмоз кыптӧны-ёнмӧны бордъяс,
Кӧть и быдӧнлӧн пасьтаыс – ас.
Восьса сьӧлӧм кад визувсӧ ордйӧ,

Он кӧ ӧшӧд тэ сы вылӧ тас.

Комментариев нет:

Отправить комментарий