четверг, 11 сентября 2014 г.

Зэр
Быттьӧ воссьӧны гуся ӧдзӧсъяс,
Быттьӧ шудланьыс ышӧдӧ вӧт,
Быттьӧ позьӧ на бурдыны ӧнісянь,
Быттьӧ вольсасьӧ морӧсад шӧвк...

Кыдзи виччысис зэвтчӧм вӧр-ваыс!
Кыдзи личмуніс ӧні друг!
Сэтшӧм кокни да мелі кӧръясас,
Кодыр муыс да ваыс руд.

Зэрыс малалӧ кокни чуньяснас
Сылань бергӧдчӧм корлысь бан:
Шуда радейтӧм быттьӧ тунавсьӧ,
Кодыр овсьӧ и ӧні, и тан.

Комментариев нет:

Отправить комментарий