среда, 29 апреля 2015 г.

Кузебай Гердлысь "Чагыр кышет" кывбур вуджӧдӧм

Кельыдлӧз чышъян

Радейтчӧм – кельыдлӧз чышъян,
Эн бӧрд тэ сы вӧсна, эн!
Кадыслӧн визулыс пышйӧ,
Чусмӧ и чышъянлӧн рӧм!

Радейтысь мортыд – веж видз кодь,
Тувсовъя рӧмъясӧн тыр:
Синъясыс – лӧз пӧлӧзнича,
Сьылӧ да сералӧ пыр.

Зарниӧн мичмӧдом-кыӧм
Югъялӧ туйыслӧн рӧм,
Лым еджыд паськӧма нылӧн
Копыртчӧ туй весьтас льӧм.

Вунӧдас тэнӧ кӧ пӧлыд,
Пемыдас тайкӧ он сун,
Яръюгыд рӧмыс сэк – рӧмыд,
Чусмӧ да вушйӧ выль лун.

Эн бӧрд тэ сы вӧсна, эн!
Радейтчӧм – кельыдлӧз чышъян.
Чусмӧ и чышъянлӧн рӧм,
Кадыс кор визулӧн пышӥӧ…



Комментариев нет:

Отправить комментарий