среда, 29 апреля 2015 г.

Николай Гумилёвлысь "Слово" кывбур комиӧдӧм

Кыв

Коркӧ важӧн мирыс вӧлi выль на,
Енмыс эз на ылыстчы, и сэк
Шондiсӧ на сувтӧдлiсны кывйӧн,
Кывйӧн каръяс кисьтлывлiсны, дерт.


Сэки кутш эз лысьтлы лэбны вылӧ,
Кодзув повзьӧмла эз аддзыв ин,
Кодыр кывтiс, быттьӧ югыд кыа,
Енэж вывтi кывлӧн ыджыд вын.


Му выв олӧмлы сэк вӧлi лыдпас,
Быттьӧ гортса сийӧсалӧм скӧт,
Сы вӧсна мый вежӧртассӧ быдсӧн
Мудер лыдпас петкӧдлывлiс век.


И дзор пӧльӧ, мывкыдыслӧн быдтас,
Кодi тӧдӧ, бурыс-лёкыс кысь,
Лыа вылын серпасавлiс лыдпас,
Кывсӧ шуны весигтӧ эз лысьт.


Но мувывса майшасьӧмъяс вӧсна
Вунӧдiм, мый кывлӧн выныс эм,
Мый Бур Юӧрын Иоаннлӧн весьтас
Гижӧма, мый кывйыс – тайӧ Ен.


А ми сiйӧс йӧртiм чорыд тасӧ,
Индiм, медым мыччас гӧль му выв,
Ӧнi, быттьӧ эндӧм позйын мазi,
Чӧскыдтӧма кылӧ кулӧм кыв.


Комментариев нет:

Отправить комментарий